Wednesday, February 18, 2015

‘‘මල්ලි එයාලා කියන ඒවා ප්‍රබුද්ධ නම් අපි කියන ඒවා සුප්‍රබුද්ධ“



“මම අද මල් වෙඩිල්ලක් පත්තු කරනවා. ඒ මල් වෙඩිල්‍ලේ ආලෝකය සදාකාලිකවම පවතීවි” යනුවෙන් 1963 මාර්තු 31 වෙනිදා දවල් 12.20ට ගුවන් විදුලියේ වෙළෙඳ සේවයෙන් එසේ පවසමින් අසහාය නිවේදක කරුණාරත්න අබේසේකර ශූරීන් ‘නිහාල් නෙල්සන්’ නමැති නවක ගායකයාගේ මුල්ම ගීතය ප්‍රචාරය කළේය. සරත් මුණසිංහ කවියා (වර්තමානයේ මීගහවෙල සුමනශාන්ත හිමි) රචනා කර ආර්.ඒ. චන්ද්‍රසේනයන් සංගීතවත් කළ ‘ලස්සනට පිපුණ වනමල්’ එම ගීතයයි. ‘කරු’ අයියා එදා කී ලෙසම ‘නිහාල් නෙල්සන්’ නමැති ඒ ‘මල් වෙඩිල්ල’ තවමත් නොනිවී දැල්වෙන්නේය. 

වසර පනහක් තිස්සේ ගායකයෙකු ලෙස පැමිණි ගමනේදී වැඩිම කැසට්පට සංඛ්‍යාවකට ගී ගයමින් පෙරට ආ නිහාල් ඇතැම් විට ශ්‍රී ලංකාවේ වැඩිම ප්‍රසංග වේදිකා සංඛ්‍යාවක ගී ගැයූ ගායකයාද විය හැකිය. හේතුව ඔහු ගී නොගයන ප්‍රසංගයක් රටේ පැවැත් වෙන්නේ කලාතුරකින් බැවිනි. ඔහු වැඩිපුරම විචාරයට ලක් වූ ගායකයෙකුද වෙයි. “සාධාරණ විවේචනවලට හිස නමල මම මගේ වැරදි අඩුපාඩු හදාගෙන තියෙනවා. අසාධාරණ විවේචන කළ අය අද හොයා ගන්නත් නෑ. මමත්, සාධාරණ විචාරකයොත් තවම ඉන්නවා” නිහාල් කියයි.

(ආනන්ද පද්මසිරි)



"එක පාරක්, පුන්කලස් තියපු රතු පලස් එළපු දොරගාව මඩ ටිකක් ළාවට වැදිච්ච ටෙලිවිෂන් වැඩසටහනක නිවේදකයෙක් අමරදේව මාස්ටර්ගෙන් අහනවා "අද බොහෝ ගීත භාෂාව විකෘති කරලා ගැයෙනවා නේද" වගේ ප්‍රශ්නයක්. බලාගෙන ඉන්න අයට තේරෙනවා එයා මොන වගේ උත්තරයක්ද බලාපොරොත්තු වෙන්නෙ කියලා. හැබැයි අමරදේව මාස්ටර් එයාගෙ අතට සාම්ප්‍රදායික කැච් එක නොදී මොඩර්න් සික්සර් එකක් වැටට උඩින් යන්න ගහනවා මෙන්න මෙහෙම. "මෙහෙමයි, වියත් වහර - ජන වහර - පුර වහර කියලා තුනක් භාවිත වෙනවනේ. එක් එක්කෙනා ගයන්නෙ එක් එක් වහරින්. ඒ හැම එකක්ම එකතු වෙලා තමයි ගීත සාහිත්‍යය හැදෙන්නේ" අන්න ඒ කියපු පුර වහර පාවිච්චි කරලා මනහර - සුන්දර - පලබර පද පිළිවෙළින් ගින්දර වගේ සින්දු කියපු ගායකයා නිහාල් නෙල්සන් කියලා අපි කිව්වොත් කවුරු මොනවා කියන්ඩද? "

(බූන්දියේ මෙහෙම තිබුනා )

"ගල් මුල් නැතිව කවදාවත් මල් පිපෙන්නේ නැ මල්ලි. ගල් කුඩු වෙලා පෝර වෙලා මුල්වලට වැටුනාම තමයි කවදා හරි දවසක මල් පිපෙන්නේ .
සම්මාන කියන්නේ ලී කොටයක් අරන් පොඩි බාස් කෙනෙක් හදන පොඩි දෙයක් විතරයි .පේදුරුතුඩුවේ ඉඳන් දෙවුන්දරතුඩුවට යනකං කොතැනින් බැස්සත් " ආ නිහාල් අය්යා කොහොමද ? නිහාල් මහත්තයා කොහොමද ? කොහොමද මචං කියලා  කන් දෙකට ඇහෙන එක    අර ලී කොට වලට වඩා ගොඩක් වටිනවා මල්ලි ...."
(නිහාල් නෙල්සන්)


"නිහාල් නෙල්සන් නම් අපුරු සොඳුරු කලාකරුවාගේ ඉතා අසීරුවෙන් තෝරා ගත්ත ගීත කීපයක් පමණි" 
++++++++++++++++++++++++++++++++++++++++++++

01.ලස්සනට පිපුණ වනමල් ගල් පීරන දියවැල්...

රෝස මලකුයි නෙළුම් මලකුයි ලස්සන වෙයි
හමන සුළඟයි ගීත රාවෙයි ඔබගේ වගෙයි
මගේ කිරිල්ලී ඈ ගියා ඉගිල්ලී
මං ශෝකෙමයි
රෝස මලකුයි නෙළුම් මලකුයි ලස්සන වෙයි
හමන සුළඟයි ගීත රාවෙයි ඔබගේ වගෙයි
මගේ කිරිල්ලී ඈ ගියා ඉගිල්ලී
මං ශෝකෙමයි
රෝස මලකුයි නෙළුම් මලකුයි ලස්සන වෙයි

ඉස්සර මම එනකොට ‍ඔබ ඉඳන් මඟ බලා
ලස්සන ඔය ගැස්සෙන අත්තටු සළලා
ආදරෙයි ආදරෙයි කිය කිය ඉඳලා
මට නොකියම ඇයි ගියෙ වනයට පියාඹලා
වනයට පියාඹලා වනයට පියාඹලා
ඇයි ගියෙ වනයට පියාඹලා

සුපුන් චන්ද්‍ර දිලී අහසෙ තරු නැඟ එද්දී
රැල්ල පෙරළි ඇවිල්ලා සුදු වැල්ල සිඹිද්දි
සවන් පිනන මදු ගී ගුවනට එක් වෙද්දී
ඔයා ඇයි තනියම කිරිල්ලියේ තනියම කැලේකට වැදී
කැලේකට වැදී කැලේකට වැදී
ඇයි තනියම කැලේකට වැදී

ලස්සනට පිපුණ වනමල් ගල් පීරන දියවැල්...

ඉර බැස යන්නට මත්තෙන් කූඩුව සොයලා
පෙර ඔබ එන හැටි පේනවා තාම මැවීලා
එන්න එන්න කිරිල්ලියේ වහා පියඹලා
තාමත් මගේ කූඩුව ඔබ නිසාම ඇරිලා
ඔබ නිසාම ඇරිලා ඔබ නිසාම ඇරිලා
ඒ කූඩුව ඔබ නිසාම ඇරිලා..

ලස්සනට පිපුණ වනමල් ගල් පීරන දියවැල්...

ගායනය - නිහාල් නෙල්සන්
සංගීතය - ආර්.ඒ චන්ද්‍රසේන
ගී පද - සරත් මුණසිංහ

02.සොමියට වරෙන් පුතා අගුළු දාලා නෑ දොරේ

සොමියට වරෙන් පුතා අගුළු දාලා නෑ දොරේ
අහපන් රියල් කතා ගුණෙ අයියගෙ කාමරේ
හිටපන් සයිඩ් එකෙන් වාඩි වෙලා සුමිතුරේ
මස්කට් පැණි බූන්දි තියෙනව මගෙ කාමරේ
මේක ගුණෙ අයියගෙ බජව් දාන කාමරේ
මේක ගුණෙ අයියගෙ බජව් දාන කාමරේ

පච්ච සිරා ලා එතකොට කොච්චි ඇලාලා
ගුෂ්පි රොබාලා එහි මෙහි සොමිය සොයාලා
සැප විඳලා මෂා වෙලා පීචං වීලා
කැපිල යන්නෙ සක්විති සුව මෙහෙන් වළඳලා
නළුමන්ට්ස් ලා නිලිමන්ට්ස් ලා කැමර කටා ලා
අලි වංශෙං වැඩ පෙන්නන සුපර් මෑන්ස් ලා
බර පොරවල් ෆොරීන් කකුල් එකට වැටීලා
ටූ තව්සන්ඩ් ත්‍රී තව්සන්ඩ් යයි විසිකරලා
මේක ගුණෙ අයියගෙ බජව් දාන කාමරේ
මේක ගුණෙ අයියගෙ බජව් දාන කාමරේ

ටින්කිරි ටින් එකෙන් නැතිනම් ටොනික් ඩප්පියෙන්
පේස්ටු පේස් එනවා නම් වැඩ අතින් පයින්
ඔය සෙවල කිවල වැක් කෙරුවොත් තෙල් වීදාගමින්
ගල් වැලි කටු බොරු නෑ මගෙ වැඩ රාත්තලෙන්
කොත නං කොත කුරුස වලට මගෙ ළඟ ඉඩ නැත
ඔය කාගෙත් වත ගොත මගෙ ෆයිල් එකේ ඇත
දුකට සැපට මම එන්ටර් මගෙ නෑ බොරු පොත
බ්ලේඩ් වලින් කැපෙන්නෙ නෑ
කෙනෙකුගෙ හොඳ හිත

ගායනය - නිහාල් නෙල්සන්
පද  - හේමසිරි හල්පිට

03.කරුණා සුවඳ තවරාලූ හද පියුමේ

කරුණා සුවඳ තවරාලූ හද පියුමේ
මවගේ සෙනෙහසයි උල්පත සැනසීමේ
දුවලා ඇවිත් පෙර ලෙස මා එක පිම්මේ
අම්මා කියන්නේ කාටද අද අම්මේ
ලේ කිරි කරලා මට පොවලා
මා හැදු වැඩු අම්මේ
පුංචිකාලෙ දණ ගාගෙන යන විට
නැගිටින්නට අත දුන් අම්මේ
හොඳින් නරක දේ වෙන්කරලා
ඔවදන් දුන් අම්මේ
මතු සංසාරෙදි ඔබේම පුතු ලෙස
උපදින්නට පතනෙමි අම්මේ
දුවලා ඇවිත් පෙර ලෙස මා එක පිම්මේ
අම්මා කියන්නේ කාටද අද අම්මේ
බඩගිනි වීලා හැඩු විටදී
මට බත් කැවු අම්මේ
පාසල් යවලා උගන්නලා මට
මා ලොකු මිනිසෙකු කළ අම්මේ
ආදරයෙන් මට අඩගහලා
පුතා කියූ අම්මේ
ඔබ මතු බුදුවී දහම් දෙසන විට
මමත් නිවන් දකිනෙමි අම්මේ..........

ගායනය - නිහාල් නෙල්සන්
ගී පද - කොලින්ස් අලුත්ගේ

04.සල්ලි මිටි ගණන් අරගෙන එයි වටින් පිටින්

සල්ලි මිටි ගණන් අරගෙන එයි වටින් පිටින්
සල්ලි නෑ මචං මෙතන ආස්කින් හිටින්
පුල්ලි කොල වලින් සෙල්ලං බෑනෙ වැඩ කෙලින්
මල්ලි ඉඳ ගනින් ජෙමා කූට්ටම කටින්

ආසි හේරු පොරෝ බූරු රජ වෙල ඇත්තේ
අද පනස් දෙකේ කොල කුට්ටමෙ ජෙමාගෙ වත්තේ
ආසි හේරු පොරෝ බූරු රජ වෙල ඇත්තේ
අද පනස් දෙකේ කොල කුට්ටමෙ ජෙමාගෙ වත්තේ

බෙට් එක රුපියල් දාහයි තෝමට සීයට විස්සයි
කොයි කාටත් නීතිය ඒකයි
කට් එක දෙන්නෙ එක්කෙනයි රවුමට ඔට්ටු පෝලිමයි
කයිවාරුව වටේ මුර කරයි

බිඩ් එක දෙන්න ට්‍රයි කරයි කොල ටික දෙපැත්තට එලයි
කොයි කාගෙත් පපුව දැන් ගැහෙයි
සෙට් එක හුඟ දෙනෙක් වඳයි සමහරු වටේටම ණයයි
ඔය හයි ෆයි කං එතන බාල්දුයි

ඉල්ලුව කලාබර හත කරුමෙට පෙරළුනේ නැත
ෆුල් සුද්දයි ඉල්ලපු පැත්ත
ඇල්ලුව පොරව හාරත නියමෙට පෙරලිලා ඇත
හරි සන්තෝසයි දිනාපු පැත්ත

දන්නව ගේමෙ වත ගොත හරියට ජෙමා හිතවත
එයා කවදාවත් පැරදිලා නැත
බූරුව කුට්ටමේ පොත තෝමට පරාජය නැත
ඔය ගහන එවුන්ටයි හතේ හත

ගායනය - නිහාල් නෙල්සන්

05.කිරි දුන්නේ දරුවන්ටයි සිරුරෙන් ඈගේ..

කිරි දුන්නේ දරුවන්ටයි සිරුරෙන් ඈගේ..
පිරිපුන් මිනිසුන් වැඩුනේ බලයෙනි ඈගේ..
ඒ කළ ගුණ නොදන්න හිස් මිනිසුන් වාගේ..
එපා එපා මස් කන්නට කිරි අම්මාගේ...

අහිංසක තිරිසන් ගවයාටත් පණයි තියෙන්නේ..
එවන් සතෙකු අහෝ අකාලයේ කිමද මරන්නේ..
ටිකක් හිතල බලනු ඌ පිරිසිදු තණකොල කන්නේ..
නමුත් මිනිසත් බව ලැබු ඔබ ඇයි මළකුණු කන්නේ..

කෙනෙක් තිස්පස් වසරක් කෑවොත් ගවමස් උයලා..
බලනු තුන්සිය හැටපහ වැඩිකර තිස්පහ යොදලා..
ගණන දොලොස් දහස් හත්සිය හැත්තෑ පහක් වෙලා
ඔබට තේරුනාද ඔබ කල පව් දුර දිග නොබලා..

කිරි දුන්නේ...

මුදල් තන්හාවෙන් සමහරු ගවයා විකුණන්නේ..
අහිංසක සතකුගෙ ඉරණම ඉන්පසු විසදෙන්නේ..
යලිත් ඒ මුදලින් මස් ගෙනැවිත් රසකර කන්නේ..
තමන් විකුණූ ගවයගෙ මස් බව ඔහු නෑ දන්නේ..

ගිතෙල් මී කිරි එළකිරි පස්ගෝ රස සපයන්නේ..
ඉවතලන පොහොරින් මහ එළවළු කොටු සරුවන්නේ..
මෙවන් සතෙකුගෙ මස් නොකන අයට සෙත සැලසෙන්නේ..
එවන් පිරිසිදු හදවත් තුල දෙවියන් වැඩ ඉන්නේ..

කිරි දුන්නේ....

ගායනය : නිහාල් නෙල්සන්
සංගීතය : රංජිත් පෙරේරා
පද රචනය : සරත් මුණසිංහ

06.රාජගෙ නංගිගෙ නම රෝජා

රාජගෙ නංගිගෙ නම රෝජා
ඈ මා දැකලා වී ලැජ්ජා
හදවත කල හින්දා පූජා
මගේ මස්සිනා නඩරාජා
දැං මගේ මස්සිනා නඩරාජා

ආඬි ළිඳේ දිය ඇදල උදේ
මට නාගන්නට කියල වදේ
උදේට හදලා මසල වඩේ
කන්නට දෙන එක ඇයගෙ වැඩේ
රාජගෙ නංගිගෙ නම රෝජා...

තල් රා මුට්ටිය ඉහේ තියා
නඩරාජා එයි මාව හොයා
මගේ මෂ්ෂිනා ඔන්ද මුනියා
කියලා මට සලකනව එයා
රාජගෙ නංගිගෙ නම රෝජා...

රජ සැප ලැබුණත් ඉඳල මෙහේ
ගම රට අමතක කෙරුව නොහේ
පැනගත්තා යාපනෙන් අනේ
රෝජා ගැන දැන් දුකක් දැනේ
රාජගෙ නංගිගෙ නම රෝජා...

ගායනය - නිහාල් නෙල්සන්

07.උඩ කරණම් බිම කරණම්

උඩ කරණම් බිම කරණම් ගහන පරවියා..
වැඩිහිටියන් පොඩි ළමයින් කරන පරවියා...
ගහ ගනිමින් බැන ගනිමින් හදන පරවියා..
සාමයෙ සළකුණ ලු පරවියා ...

කොමන් ටැන් ටේල් නමින්  සුදු කළු පුල්ලි වලින්
හොඳ ජාතියේ වටිනා පරවීයෝ රෑනක්
වටපිට ගමෙන් ගොඩෙන් ගෙනැවිල්ලා
හරි ආදරෙන් හැදුවා යාලුවෝ දෙන්නෙක්
හොදින් හිලෑ කරලා ඉතින් - අරගෙන කුඩු දෙකෙන්
කරනම් ගහන හොදට පරවී ජෝඩුවක්
අත මිට ගුලි කරමින් උඩ ගහලා  - හරි ප්‍රීතියෙන් දුන්නා අත්පුඩි පාරක්
ඒ පරවියෝ දෙන්නා - දිගටම උඩ යන්නා
යාලුවෝ දෙන්නා  - බිම හෙම්බත් වෙන්නා
රෑ බෝ වෙන්නා  - නැ පරවියෝ දෙන්නා
බැලුවම උන්නා එකෙකුගේ කුඩුවේ දෙන්නා

මගේ සතා මම ගන්නම් ආයෙත් හෙට එන්නම්
කියමින් කුඩුවේ දොර ඇරියා එක්කෙනෙක්
අනෙකට තරහා ගිහින් ඔරවාලා
හරි කෝපයෙන් ඇහුවා මෙහෙම ප්‍රශ්නයක්
උඹේ සතා මොකටද බන් මගේ කුඩුවට දමන්
එකේ සත්තු ගන්න උඹට නැනේ අයිතියක්
ඇතිවුන කතාබහෙන් වැරදිලා
සාමයේ සලකුණෙන් එතන උනා මරණයක්
මේ සාමය පෙන්නා අපට සලකුණු දෙන්නා
මේ ලෝකේ ඉන්නා මිනිසුන් වැනසෙන්නා
යාළුවො දෙන්නා පරලොව යන්නා
පරවියෝ දෙන්නා එකට කුඩුවේ ඉන්නා ..

ගායනය - නිහාල් නෙල්සන්

08.අහිංසකයි එලිය බෙදයි 

අහිංසකයි එලිය බෙදයි කණාමැදිරියෝ
ළමා ලපටියන්ගේ යාළුවො
රූන් රූන් නාදේ දමයි අනුන්ගේ ලේ උරයි
හරිම කරච්චලේ මදුරුවෝ ..

ගමේ ළමයි හරි ආසයි - කණාමැදිරියන්ට අත වනයි
මදුරුවන්ව තලා දමයි - දැක්ක ගමන් බයේ පන දුවයි
මදුරුවන්ට මේක පෙනෙයි ඉරිසියාව හිතේ රජ වුනයි
ගත්ත තීරණය මේකයි කණාමැදිරින් වනසන්නයි ..
අහිංසකයි ...

පාවෙන එළියක්‌ පෙනිලා මදුරු රජෙක් පැන පැන විද්දයි
කණාමැදිරියෙක් කියලා විද්දේ සිකරට් කොටයකටයි
පිච්චුනා මදුරුවා දැකලා අනිත් වුන්ගේ මොලේ පැදුනයි
අසරණයන් හට විදලා රිද්දෝවොතින් වෙන්නේ මේ ටිකයි
අහිංසකයි ..

ගායනය - නිහාල් නෙල්සන්

09.අම්මා නැති කල

අම්මා නැති කල අප්පා කවර කලේ
කියලා කිව්වේ බොරුවට පොඩි කාලේ
නිම්මා නැති පෙම් නිතර ලබා දීලා
අම්මා කිව්වා තත්තා පැ ආලේ ..
මව් පියෝ දෙන්නම ඒක වගේ - වෙනසක් නැ පුතුනේ

ලේ කිරි කර පෙව් බව සැබැයි - උස් මහත් කල බවත් සැබැයි
කැව් පෙව් හැටි මව දනී - ඒවා සේරම හරි තමයි
මවට වෙර ලැබුනොතින් තමයි - කිරට ලේ හැරවෙන්නේ ළමයි
තත්තා දුන් දිරියෙනුයි  - දරුවෝ රැකුණේ ඇත්තමයි

ජිවන ගමනේ පැති දෙකයි
හොඳ නරක ඒ දෙක තමයි
පියා නිසි මඟ ගිය විටයි
බිහිවුනේ ලොව හොඳ ළමයි
වස්තුවනම් පන දරුවොමයි
මව් පියන් හට බොරු නොවෙයි
බෙදා වෙන්කළ නොහැකිමයි
දෙමාපියෝ ලොව ඒක වගෙයි

අම්මා නැති කල ..

ගායනය - නිහාල් නෙල්සන්


10.කාවඩි බයිලා

නාන් දින් තිලක නදින් කොහොඹ කලේ ඔලුවේ තියන් 
මෝලම්   පාරට නටලා 
තාලම් නාග සලම් තමිල් බෙරේ කරේ බැඳන්   
කෝලම් ඔක්කොම දමලා 
බාරහාර ඔප්පු කරන් දෝතින් පඬුරු අරන් 
කතරගමේ දෙවිඳුට වැඳලා 
පෝලිම් ගැහිලා වරෙන් සුවඳ පොට්ටු තිලක තියන් 
නටන්න කාවඩි බයිලා ...

පස්සපාන ඇඟ ගාගෙන පිරුවට ඇඳලා 
මොණරපිලෙන් සැදු කවඩි කර උඩ තියලා 
ජෝතිදාරේ රිද්මේ  අනුව පාදය තබලා 
ඉතින් දෝසබංග වෙන්න නටමු මැද්දට වැටිලා ..
      
කතරගමේ ගුණ වරුණේ සැමට කියලා 
මම හතර වටින් ගොතන්නේ මේ කාවඩි බයිලා 
අතර මගින් ඇන්න එන මල් මාල ගෙනල්ලා 
ඉතින් නතර නොවී නටලා ආරුඪ වෙයල්ලා ..

ගායනය - නිහාල් නෙල්සන්

11.ඔරු පදින්න පහල ගඟට එන්න යන්න මාලි 

ඔරු පදින්න පහල ගඟට එන්න යන්න මාලි 
මන් බොරු කරන්නේ නැනේ ඔබට ඇත්තයි මගේ මාලි 
සරු දිවියක රස බලන්න කාලේ ලඟයි මාලි 
පේරු රත්තරන් වාගේ අපේ ආදරේ මාලි 
මා ප්‍රිය මාලි මා ලදී මාලි අදර මාලි 
ඔයා මගේම මාලි ...

ගෙලට මාල අතට වළලු ඔබට ඕන නැ 
කනට තෝඩු පයට ගිගිරි කිසිම පලක් නැ 
හදට රුවට අමුතු ඇදුම් වලින් වැඩක් නැ 
ඔබ ඇති නිවසට පහනක් ඕනා වෙන්නේ නැ 
නැ .. නැ ඕන වෙන්නේ නැ ..

අහස ගැබේ හඳ හැංගිලා ඉඳලා පලක් නැ 
දහස් ගණන් තරු තිබුනත් ආලෝකය නැ 
මිනිස් ලොවේ සතුට සැපත ඔබ නැති තැන නැ 
මාලි ඔයා ඇති තැන මට කිසි අඳුරක් නෑ 
 නෑ ..නෑ ..කිසි අඳුරක් නෑ

ගායනය - නිහාල් නෙල්සන්

12.කසිලි බිසිලි නැ

කසිලි බිසිලි නැ අපේ අතේ පච්ච නැ 
බජාර් එකේ හොඳ කකුලක් මන් 
මගේ ඇදිලි බැදිලි නැ හිතේ බයක් නැ 
ඉදිරියටම යන කොල්ලෙක් මන් 
ගෙවිලා ගිහින් රාහුගේ අපලේ 
දැන් නම් මගේ සිකුරා නළලේ 

කන්ද කපා හඳ පායනවා
ලන්ද දිගේ හඳ පායනවා 
ලගදීම මට හඳ පායනවා 
කෙල්ලක් මම කැන්දන් එනවා

මැණිකෙලා කුසුමලා ගම පැත්තේ 
කවුරුත් නැ මගේ හිත ගත්තේ 
එක කෙලි පැන්චියි මට ඇත්තේ 
ඒකිව මට ලැබෙනවා සත්තේ ...

ගායනය - නිහාල් නෙල්සන්

13.පන්සල පල්ලිය කෝවිල හැමතැන

පන්සල පල්ලිය කෝවිල හැමතැන
දැල්වෙන්නේ එක පහන් සිලයි
පොල් අතුපැල තුල මහා මන්දිර වල
මතු වන්නේ එක මිනිස් හඩයි

ඇති නැති කම් වල ලොකු පොඩි කම්වල
වෙනස දකින්නේ අපේ සිතයි
ඒ සිත හරියට පිරිසිදු වූ විට
වෙනසක් නැති බව නෙතට පෙනෙයි

පායන හිරු සඳු යට එක පොළවක එකට ඉන්නවා
ජිවන සටන් බිමක කොයි කවුරුත් එකට රැදෙනවා
කුල මල ආගම් බේදෙන් සමහරු දුකට වැටෙනවා
මිනිසත් කමේ අගය දන්නා ය සටන දිනනවා

උපදින හැම කෙනෙකුම උපතින් එක සමාන වෙනවා
නොමදැන ඒ බව සමහරු උස් මිටි කම් සලකනවා
යහගුණ දන්නා සිතකින් මිනිසත් කම මතුවෙනවා
මිණිමුතු වලටත් වැඩියෙන් පිරිසිදු සිත බැබළෙනවා ..
පන්සල පල්ලිය කෝවිල හැමතැන

ගායනය - නිහාල් නෙල්සන්

14.කුක්කු කූ කූ කුකුලා හඬනවා

කුක්කු කූ කූ කුකුලා හඬනවා
කුරුළු කොබෙයියෝ ගීත ගයනවා
නිහැඩියාව දැන් හිමින් මැකෙනවා
දෙගිඩියාවකින් අපි දිනක් ලබනවා
පත්තර වල විස්තර ගොඩ ඇස් ඇරගෙන තප්පරයට
අපි කියවනවා ..
පිත්තල මොළ රත්කරගෙන දුක් කරදර පැක් කරගෙන
දවස ගෙවනවා

රටක් ගානේ ගෙයක් ගානේ ගමක් ගානේ
ලෙඩ මුල් පිටුවේ පුරවලා
කෑම ජාති බීම ජාති බේත් ජාති
හිස් තැන්වලට රිංගලා
කාර් සේල් ඉඩම් සේල් මැෂින් සේල්
අන්තිම පිටුවේ තෙරපිලා
වීර විකුම් මාර කියුම් මැද පිටුවෙන්
රජ පුටුවලට වෙන්වෙලා ...
කුක්කු කූ කූ කුකුලා හඬනවා ...

අනඟ රැඟුම් පරණ බැඳුම් සිතුම් පැතුම්
වෙනමම පිටක ලියවිලා
කවි පබැදුම් බිතුසිතුවම් කලා  කෙරුම්
පිටුවක සිත පහන් කළා
යන්තරයෙන් මන්තරයෙන් සුස්තරෙන්
කැඩිච්ච දේපල එක් කළා
ඔයින් මෙයින් දින ගවමින් සිහිවිකලෙන්
මිනිසුන් අතරමන් වෙලා ...
කුක්කු කූ කූ කුකුලා හඬනවා

ගායනය - නිහාල් නෙල්සන්

15.බාර් බාර් බාර් බාර් බාර් බාර් බාර්

බාර් බාර් බාර් බාර් බාර් බාර් බාර් ...//
අතුරු මිතුරු දඹදිවතුරු
එදා පටන් අද වෙනතුරු
මේ කල්පය පවතින තුරු
අරින වහන බාර් ...
බාර් බාර් බාර් බාර් බාර් බාර් බාර් ...//
උදේ පටන් රෑ වෙනතුරු - උතුර දකුණ නොපෙනෙන තුරු
බොන කට්ටිය ඉන්නා තුරු - වහන්ඩ බැ බාර්
බාර් බාර් බාර් බාර් බාර් බාර් බාර් ...

මුතුන් මිත්තෝ බාර් වලට ගිහින් බිව්ව කාලේ
වාගේ නොවෙයි දැන් බැලුවම මොඩිෆයි වෙලා තාලේ
ඕපන් වෙලා මාකට් එක තරගේ වැඩියි රාලේ
විස්කි බ්‍රැන්ඩි ගල් පොල් බොන කාටත් එක ලිලේ ..

බාර් තියන තරමටයිනේ බොන අය වැඩි වෙන්නේ
සුර් වෙච්ච තරමටයිනේ සවි බල දිය වෙන්නේ
සර් ඔහොම බොන්න ගියොත් නැති ලෙඩ ඇතිවෙන්නේ
බාර් එකෙන් පෙනහැල්ලත් අරගන්නයි වෙන්නේ ..

බාර් බාර් බාර් බාර් බාර් බාර් බාර් ...//

ගායනය - නිහාල් නෙල්සන්

16.සින්දුවක් අයිති කාටද ..

සින්දුවක් අයිති කාටද ..
ටි වී රේඩියෝ වල ඒ ගැන කරයි විවාද
ගියක අයිතිය ගැන නිතරම පත්තර වලද
කරනවා වාද විවාද ...

සංගීත වේදියෝ රචකයෝ ගායකයෝ එක්වෙලා
අතීත කාලේ ලස්සන ගීත බිහිකලා
ඒ ගී රසිකයන්ට අහන්න දුන්නා
අයිතිය බදාගන්න සිතුවේ න එදා ...
ටීටර් ජනප්‍රිය වෙලා - යද්දී ඔවුන් තුන් දෙනා
ඒ ගැන සතුටු වුනා එකට එක්වෙලා
කාලය හෙමින් ගෙවිලා ගියා
සියල්ල වෙනස් වී ගියා ..

සින්දුවක් අයිති කාටද ..
ගීත රචකයා කල්පනා හසුරුවා ගීයක් ලියුවට
සංගීතවේදියා තනුවක් ඊට යෙදුවට
ගායකයා නොගයුවොතින් ගීතය රහට
ගීතය යාවිද ජනතාව අතරට
හරියට කනප්පුව වගේ  - එකේ කකුල් තුන වගේ
අර තුන්දෙනාට එහි උරුමය සමය
යුගයෙන් යුගේ බිහි වුනාම
අයිතිය රසිකයන්ටය ....


සින්දුවක් අයිති කාටද ..

ගායනය - නිහාල් නෙල්සන්


---------------------------------------------------------------

--------------------------------------------------------------

ප .ලි 

මේ සමහර ගීත වල පද රචනය හොයාගන්න බැරි උනා තවම .කවුරු හරි උදවු කරන්න මේවා හොයාගන්න .අනිත් දේ සින්දු වල පද වල අඩු පාඩු තියනවානම් පෙන්වා දෙන්න .(වයසත් එක්ක කන් ඇසීමේ අඩුවක් එනවලුනේ : -) )

--------------------------------------------------------------
ප.ප.ලි 
මෙන්නෝ 5000ක් සින්දු කියලාලාලාලාලාලා ............
මේ බ්ලොග් එක පටන් ගන්න දිරි දුන්න හැමෝටම වගේම වචනෙකින් හරි මාව දිරිමත් කරපු හැමෝටමත්, සින්දු කියන්න අවා හැමෝටමත් ගොඩාඩාඩාක් ස්තුතියි .... 





43 comments:

  1. මේ සින්දුව අහලා තියෙනවාද?

    "දෙහිවල වැල්ලවත්ත බම්බලපිටි මුහුදු වේරළ නිදහස් ප්‍රේම කලාපේ
    පෙම්වත් ජෝඩුවලට පෙම් කරන්න කියාපු තැන නිදහස් වෙළද කලාපේ"

    ReplyDelete
    Replies
    1. රසික අය්යේ මේ සින්දුවනම් අහලා නැ ...
      පුලුවන්නම් අපිට ඒක අහන්න දෙන්න පුලුවන්ද ?

      Delete
  2. ලංකාවේ මුල්ම රැපාත් නිහාල් නේද??

    ReplyDelete
    Replies
    1. සමාවෙයන් එකනම් මම හරියටම දන්නේ නැ දේශකයෝ :-(
      මම හිතන්නේ මේ සින්දුව නිසා වෙන්න ඇති නේද

      "පත්තර වල විස්තර ගොඩ ඇස් ඇරගෙන තප්පරයට
      අපි කියවනවා ..
      පිත්තල මොළ රත්කරගෙන දුක් කරදර පැක් කරගෙන
      දවස ගෙවනවා"

      Delete
  3. කතාකලයුතුම ගායකයෙක් ගැන උඹ අද ලියල තියනවා.මේ මනුස්සයා වචනේ පරිසමාප්ත අර්ථයෙන්ම මනුස්සයෙක්.ඕනෙම කෙනෙක් එක්ක කතා කරන්න පැකිලෙන්නේ නැති නිර්වාජ්‍ය චරිතයක්.ඒත් මේ ලිපිය තව ටිකක් දික් වුනානම් මම කැමතියි තව විස්තර ටිකකින්.
    ජය වේවා....

    ReplyDelete
    Replies
    1. ස්තුතියි කටුස්සෝ උඹේ වචන ටිකට .මම බලාපොරොත්තුවෙන්නේ ඒ විස්තර දන්නා අය කොමෙන්ට් වලින් විස්තර කරයි කියලා ....

      Delete
  4. සින්දු අනෝ මට අදයි උබේ බ්ලෝග සෙට් උනේ මචෝ.........
    පට්ට පට පට නිහාල් අයියා එක්ක අපේ ඉස්කෝලේ ළඟ එකට බජව් දාපු කොල්ලෙක් තමයි ඉතින් මේ රාලයත්

    ReplyDelete
    Replies
    1. නිහාල් ලොක්කා , බොරු බයිලා ගැහුවේ නෑනේ , ඒවුනාට ..:P

      Delete
    2. සාදරයෙන් පිළිගන්නවා මැලේ මචෝ .නිහාල් අය්යා ගැන දන්නා ඒවා ඉතින් ලියපන්කෝ හැමෝටම දැනගන්න ...

      @ඉවාන් ඒ කියන්නේ මැලේත් බයිලා ගහනවා කියලද ..හැක්

      Delete
    3. මැලේ උඹලත් එක්ක ඉදල තමයි මේ සින්දුව කියන්ඩ ඇත්තෙ //උදේ පටන් රෑ වෙනතුරු - උතුර දකුණ නොපෙනෙන තුරු
      බොන කට්ටිය ඉන්නා තුරු - වහන්ඩ බැ බාර්
      බාර් බාර් බාර් බාර් බාර් බාර් බාර් ...

      Delete
    4. @කම්මලේ ++++++++++++++++++++++++

      Delete
  5. එලකිරි සින්දු ඇනෝ තතත


    එල කිරි සින්දු ඇනෝගගගග

    ReplyDelete
    Replies
    1. විදානේ තැඹිලි ගෙඩියක් වත් බිව්වේ නැතෙයි ...එලකිරිත් හොදයි බන් ...

      Delete
    2. අැයි විදානේ තත්තත් තත් ගාන්නේ.................. තත් තත් තත් තාර පැටියා සින්දුව නිහාල්ගේ නෙමෙයි........................

      Delete
  6. උඹනම් බ්ලොග් ලෝකෙට සම්පතක් මචෝ , සම්මාන ගැන නිහාල් නෙල්සන් කියපු කතාවට සම්මානයක් දෙන්න වටිනවා . දැන් ලේරික්ස් හොයන්න් වැඩිය දඟලනන් ඕන නෑ .

    ReplyDelete
    Replies
    1. අනිවා මචෝ නිහාල් අය්යලා වාගේ අයට ජනතා සම්මානේ ඕනෑවට වඩා තියනවා ...
      උඹලා ඉරිදා දඟලපු විදිහට ආයේ අවුරුද්දකටවත් එහෙම දඟලන්න ඕනාවෙන එකක් නැ ..හැක් හැක්

      Delete
  7. වටිනා ලිපි අතරට එක්කළ තවත් වටිනා ලිපියක්
    සින්දු ඇනෝට ජය!

    ReplyDelete
    Replies
    1. ස්තුත්යි වරුණ සහෝදරයා ඔබේ අගය කිරීමට ....

      Delete
  8. //ඔය කාගෙත් වත ගොත මගෙ ෆයිල් එකේ ඇත// පුර (වැසි ) වහර කවදත් පරණ වෙන්නෙ නෑ.. ඒක නිසා නිහාල් අයියගේ සින්දුත් හැමදාම අලුත්..

    මුගෙ සින්දුවල පට්ට වචන සෙට් මචන් තියෙන්නේ. මං ආසවෙන්ම බැළුවේ කවුද මේ සින්දු ලියල තියෙන්නෙ කියනෙක.. කොහෙන් හරි හොයල අප්ඩේට් කරන්නෝනෙ. මුගෙයි කියල කිව්වෙ පිට් එකට ඕන්..ආ.. ජය ශ්‍රී!

    ReplyDelete
    Replies
    1. කමියෝ මම නිහාල් අය්යාගෙන් මේ ගැන අහලා තියෙන්නේ ...මට ලැබුන ගමන් අප්ඩෙට් කරනවා මචෝ ...මටත් මෙහෙම දාන්න දුක හිතුනා .එත් මේ පොස්ට් ඒක දාන්නම හිතුනා මචෝ ..

      Delete
  9. මල්ලි,

    නිහාල් ගැන අපේ තිසා ලියපු වටින සටහනට මම දාපු කමෙන්ට් එක පහලින් කපල අලවන ගමන්ම එතනට ගිහින් නිහාල්ගෙ අප්‍රකට රසවත් සින්දු කිහිපයක් අහල එන්න කියල මතක් කරන්න කැමතියි. අර උඩම නිහාල්ගෙ පින්තූරෙ ඉන්නෙ නිහාල්මද මන්ද ;)

    "නිහාල් ගැන බොහෝ දේ කියල, කියවිලා තියෙන නිසා වෙන දෙයක් ගැන මතක් කරන්නං. මොරටු පිළියන්දල බස් එහෙක කොන්දොස්තර කම කරපු පස්සෙ කාලෙක ගී ගඟුලක් පද බැන්ද, ප්‍රසංග වේදිකාවෙ එදා මෙදා බිහිවුන සූපිරිතම නිවෙදකයෙක් වෙච්චි හල්පිටව බස් එකෙන් බස්සල එක්කන් ආවෙ නිහාල්.

    හේමසිරිටත් කරුණාරත්න අබේසේකරට වගේම පහර ගැහුව මිසක් අගය කලේ නෑ. ඒත් "මේ මල් යායෙ, නිහඬ කල්පනා" වගේ ගී පදත් හේමසිරිගෙන් බිහි වුනා. අවාසනාවට "ප්‍රබුද්ධයො" ඒ මනුස්සයව නොසලකා හැරිය, කරුව වගේම. ඉතින් මේ සටහන අවස්ථාවක් කරගන්නව හේමසිරිව ගෙනත් නිහාල් කරපු වටිනා මෙහෙවරට උපහාරයක් පුදන්න."

    තව එකක්, නිහාල් නෙල්සන් වගේම අමරදේවත් මොරටුවෙ එක ගමේ කොල්ලො.

    ReplyDelete
    Replies
    1. ඉන්දික අය්යේ හැමදාම වාගේ මෙහෙම විස්තර ගෙන එනවාට ගොඩක් ස්තුතියි ...
      තිස්ස අය්යාගේ විස්තර ටික මෙතනට ගන්න හිතෙනවා ...මම ලින්ක් ඒක දාන්නම් ..

      Delete
  10. අවංකවම කියනවානම් අපි මේ ගායකයට ඒ තරම් කැමති නෑ. ඒත් මේ අපේම ශෛලියක්. මයිකල් ජැක්සන්ට අකමැති අය ඇති. ඒත් ඔහු ලෝකෙට දෙයක් දුන්නා. නිහාලුත් ඒ වගේ. ඔහු දෙයක් කලා.

    ReplyDelete
    Replies
    1. මදාවියෝ හැමෝම හැමෝටම කැමති වෙන්නේ නැනේ බන් .මගේ නම් කැමතිම කියලා ගායකයෙක් නැ මචෝ ..උඹ කියලා තියන ඒකම අපේ ජිවන අය්යා තිස්ස අය්යාගේ බ්ලොග් එකේ ලියලා තියනවා .උඹ අකමැති වෙන එකක් නැ ඒක මෙතැනට දැම්මට ...


      Jeevana FernandoAugust 2, 2014 at 6:50 PM

      "පත්තර වල ඇට්ටි හැලෙන්න විචාරය ලිය ලිය නව නිර්මාණ වලට පහර ගහන උන්ගෙන් බහුතරයක් සංගීතය ගැන දන්නේ නෑ. දැනගත්තත් ඉන්දියානු සංගීතය විතරයි. මිලියන් සිය ගණන් පිටපත් විකුනපු බටහිර ගායකයින්ගේ ගීතවල නමවත් අහල නෑ. මයිකල් ජැක්සන් කිව්වොත් දන්නේ ළමා අපචාර සිද්දිය විතරයි. Earth Song එක අගල නැ.
      ඔය ප්‍රබුද්ධයෝ නිහාල් නෙල්සන්ගේ ගීතවල පදමාලාව තමයි විවේචනය කරන්නේ. සංගීතය නෙවෙයි.
      නිහාල් නෙල්සන්ගේ විශ්ෂ්ට සංගීත නිර්මාන ගැන හොඳක් නොලියන පත්තර පඩංගු ලියන්නෝ මෙලෝ සංගීත රසක් නැති එපා එපා මස් කන්නට කිරි අම්මාගේ කියනකොට විසිල් ගහනවා."

      Delete
  11. එල එකක් අයියේ,මන් බුක් මාර්ක් දාන් ඉන්නේ ඔයාගේ බ්ලොග් එක, සින්දු වල ලස්සන පද කියවන්න ආස නිසා,, ස්තුති , මේ වගේ ලිපි දාන එක නියමයි අපේ අලුත් සෙට් එකට

    ReplyDelete
    Replies
    1. සාදරයෙන් පිලිගන්නවා ඔමා ....//අපේ අලුත් සෙට් එකට // හැහ් .ඒ කියන්නේ මේ අපිට ;D

      Delete
  12. මම හිතන්නේ රැප් සංගීතය කියන දේ ලංකාව ඇතුලත හරියට කරපු එකම කෙනා නිහාල් නෙල්සන් වෙන්න ඇති.. මොකද අද කාලේ ඉන්න කාටවත් නොතේරෙන වේග රිද්මයට වැඩිය ඕන කෙනෙක්ට තේරෙන සිංදු කියපු එකම කෙනා නිහාල් නෙල්සන් කියලයි මම හිතන්නේ..

    ReplyDelete
    Replies
    1. //අද කාලේ ඉන්න කාටවත් නොතේරෙන වේග රිද්මයට වැඩිය ඕන කෙනෙක්ට තේරෙන සිංදු කියපු එකම කෙනා නිහාල් නෙල්සන්//
      +++++++++++++++++++++++++++++++++++++++++

      Delete
  13. විලි ලැජ්ජයි රෝජ සිංදුව මං අදමයි ඇහුවෙ...
    අය්යෝ මගෙ කං දෙක.... සැක් කොහෙ තිබිලද බං ඔය සිංදුව හොයා ගත්තෙ
    අපූරුයි සිංදුවො....
    ජයෙන් ජයම වේවා....
    සිංදුවට පිං ඈ

    ReplyDelete
    Replies
    1. මහේෂ් අපි අහපු නැති තව සින්දු කොපමණ ඇතිද ? මෙතන තියෙන්නේ අමාරුවෙන් තෝරාගත්තු ටිකක් විතරයි .ඔන්න තව එකක් එකතු කලා .බලන්න

      Delete
  14. සංගීතය කියන්නේ විශ්ව භාෂාවක්.. හින්දි සින්දු, දෙමළ සින්දු, ඉන්ගිලිසි සින්දු අහපු අපි අද කොරියන් සින්දුත් අහනවා.. සංගීතය රස විඳින එකාට කොයි රටට ගියත් ඒ සංගීතය රස විඳින්න පුළුවන්. මම තදින්ම විශ්වාස කරන දෙයක් තමයි. ගීතය කියන්නේ තනුව සහ මියුසික්.. මොකෝ ආතල් මියුසික් එකක් මැද්දේ සින්දුව කියන්නේ නෑ නේ. සින්දුව කියන්න ඕන තැනක් තියෙනවා. ඒ නිසා අපි ඉස්සෙල්ලම් ආදරය කරන්නේ මියුසික් වලට.. එයිට පස්සෙ තනුවට.. බොක්කටම වැඳුනනම් ඔන්න අපි පටන් ගන්නවා මොනවද මේ යකා කියන වචනවල කියන්නේ කියලා.

    නමුත් තව සෙට් එකක් ඉන්නවා උන් අහන්නේ ලංකාවේ ප්‍රබුද්ධ ගායකයෝ කියලා ලේබල් එක පපුවේ ගහගෙන ඉන්න අයගේ සින්දු විතරඉ. ඒ නැති දෙයක් සින්දුවකින් ලබා ගන්න හදන මෝඩයෝ. එයාලා හරි ලැජ්ජයි, බයිලා අහන්න. ඒත් නිහාල් කියන්නේ බයිලා ගායකයෙක් නෙමෙයි. සරළ ගී ගායකයෙක්. නිහාල්ව බයිලා කාරයෝ ගොඩට දාන්නේ අර පීචං ප්‍රබුද්ධ කියලා කියාගන්න ඇතුලේ මක්කත් නැති මෝඩයෝ රැල.

    ජෝතිලා, එම් එස්ලා ඉන්නකන් මරාගෙන කන්න හදපු උදවිය, අද ඔවුන්ව අගය කරනවා.. මොකාට නැතත් අදත් ජෝතිගේ ෂෝ එකක් තිබ්බොත් සෙනග කන පැලෙන්න. ඒ උන් ගායකයෝ විතරක් නෙමෙයි මනුස්සකම පිරිච්ච උතුම් මිනිසුන් නිසා. මම මහගමසේකර ශූරින්ගේ උත්සවයකට ගියා මුළු හෝල් එකම හිස්. ඒ ප්‍රබුද්ධ කියලා පොතක්ම ලියපු කෙනෙක්.

    කළාකාරයෝ ඉන්න ඕන මිනිස්සුන්ගේ හදවතේ. එහෙම නැතුව පිට පොත්තේ නෙමෙයි. නිහාල කියන්නේ වච්නයේ පරිසමාර්ථයෙන්ම අවංක නිහතමානි සුන්දර හිත හොඳ කළාකරුවෙක්.. ඉල්ලුමක් නැතිව කැසට් ගහන්න බෑ නේ.. අදත් මල්වත්ත පාරේ වැඩියෙන්ම විකිනෙන්නේ ජෝති, පුන්සිරි, නිහාල්..

    අනගාරික ධර්මපාලත් කරන්න බැරි උන දේ නිහාල් කළා.. නිහාල් ලංකාවේ හරක් මස් කන පිරිස සෑහෙන අඩුකලා.. (මම හරක් මස් කනවා).. හරක් මස් කන එක පවු කියලා විශ්වාස කරන පිරිසට ඒ පනිවිඩය බොක්කටම වැදුනේ.. නිහාල් හරක් මස් සින්දුවේ කියන ගණිත පාඩමෙන්.. මම හිතන්නේ ලංකාවේ කිසිම හාමුදුරුකෙන්කුටවත් ඒ පනිවිඩය ලස්සනට සරළව රහට දෙන්න බැරි උනා.. ඒ කරපු දේම මදෑ..

    ඔය ප්‍රබුද්ධ සුප්‍රබුද්ධ ඔක්කොගෙම චරිතත් තියෙනවා ගිණේ අයියගේ කාමරේ ඇතුලෙ.. ඒ ගහන ගැහිල්ල.. කනට ගහනවට වඩා සැරයි..

    ReplyDelete
    Replies
    1. "ගුනේ අය්යා මචන් - සොමි කාමරේදී මචන්
      මට ඊයේ කිව්වා උඹේ ගැන මචන්
      සන්තෝෂයි මචන් හරි සන්තෝෂයි මචන්
      අපි කාමරේට තට්ටුවෙමු මචන් ....
      තාමත් තියනවා ගුනේ අය්යගේ කාමරේ
      අපි වගේ අයට මචන් අගුල් දාලා නැ දොරේ "

      මම බලාපොරොත්තු වුනම කොමෙන්ටුව ...
      බොහොම ස්තුතියි මාතේ ...

      Delete
  15. අඩේ මමත් සිංදු දෙකක් ඇහැව්වේ අද.
    අපි ඉරිදත් උඔ ගැන කතා වුනා ඇත්තටම උඔ අපිට සම්පතක්.
    එල ද බ්‍රා
    බ්‍රෑන්ඩ් එක ගල්

    ReplyDelete
    Replies
    1. ස්තුතියි මෙන්ඩෝ ....
      උඹලා බ්‍රෑන්ඩ් එක වෙනස් කළා කියලා ආරංචියි ..හැක්

      "සීල් බෝතලේ, සීල් බොතලේ -තමයි මගේ මිත්‍රයා
      ඇඟේ ශක්තිය ගෙන එන ශුරයා ..
      කොටියා පොල්ගහ යට ඉන්නේ පොල් වීරයා
      දාන් ලෑල්ල වගේ එන්නේ ගල් මාරයා
      සීල් බෝතලේ ....."

      Delete
  16. ජයවේවා සින්දු ඇනෝ.. අදත් කවදත් වගේ "සින්දු පිඩියා"(විකිපීඩියා නෙවි ) සර්ච් කලා වගේ දැනුනා..

    ReplyDelete
  17. This comment has been removed by the author.

    ReplyDelete
  18. කිව්වත් වගේම නිහාල් නෙල්සන් කිව්වම දන්නෙ නැත්තේ කව්ද? රසික සම්මානෙ තියනව නිහාල්ට. එළකිරි.. ජයවේවා ඇනෝ...

    ReplyDelete
    Replies
    1. //රසික සම්මානෙ තියනව නිහාල්ට//
      අනිවා සජ්ජෝ මේක තමයි මේ මිනිසුන්නේ බුදලේ ...
      ස්තුතියි මචෝ ..

      Delete
  19. මෙහෙමයි සින්දුවෝ..................

    නිහාල් නෙල්සන් කියන්නේ දැවැන්ත හැකියාවක් තියෙන ගායකයෙක්... ඒත් ලංකාවේ බහුතර පැරණි ගායකයෝ වගේ ම දැනට අතුරුදහන් වෙලා තියෙනවා..... අැත්තටම මොවුන්ට නවක පරපුර ඒක්ක හැප්පෙන්න බැහැ කියලා හිතාගෙන ඉන්නවානම් ඒක වැරැද්දක්... මොවුන් මහා හැකියාවක් තියෙන පිරිසක්.... ඒත් වර්ථමානයේ ඔවුන් කරලියට ඒන්නෑ ... නිර්මාණ ගේන්නෑ.... මේක අපෙත් කරුමය... ඉතින් අපි ඒක අාරයක නව පරපුරකට විතරක් ගොණු වෙලා ඉන්නවා.. ඉතින් අපේ නම් අදහස නිහාල්ලා අායෙම සින්දු කියන්න දැන් කාලය අැවිල්ලා...

    සින්දුවෝ............... මේ විදිහට ලියන්නා වූ ඒක ගැනනම් ඉතින් මචං ස්තූතියි කියලා මදි.... මේක දිගට ම කරමු.... අැත්තට ම වටිනා දෙයක් මචෝ

    ReplyDelete
  20. ස්තුතියි කුරුට්ටෝ ...
    තවම බලපන් පරණ ගායකයෙක් සින්දුවක් කලොත් ඒක ජනප්‍රිය වෙනවා .එත් මචෝ දැන් මාකට් එකට ඕනෑ ඒ දේවල් වලට වඩා ක්ෂණික නුඩ්ලස් වගේ ඒවා ...නිහාල් අය්යලා "මස්කට් පැණි බූන්දි කාමරේ තියනවා " කියන කොට චිත්ති (නම හරිද දන්නේ නැ ) අමුවෙන්ම කියනවා "පැණි රස කෑම දිව ගාලා කන්සා බොන්න සොදා" කියලා .ඔන්න ඕක තමයි වෙනස ..දැන් සින්දු කියන්න වගේම ලියන්නත් කට්ටිය හොයා ගන්න වෙනවා .(අසංකයාට කියන්න ඕන සින්දු ලියපිය කියලා ) ...

    ReplyDelete