ඔබ දුන් ඔවදන් අරුණාලෝකය

1912 ජූනි මස 12 වැනි දින රත්නසභාපති  නමැති ධනවත් කොළඹ චෙට්ටි පවුලට දාව මහනූවර ගලගෙදරදී ඡන්ම ලාභය ලැබූ කෝකිලදේවීගේ මුල් නාමය වන්නේ "ගර්ට්‍ රූඩ් අමලියා රත්නසභාපති " වේ .පසුව ඒ යුගයේ ගායිකාවන්ට අනිරූප වන ලෙසින් රූපසිංහ මාස්ටර් විසින් එය "කෝකිලදේවී රත්නසභාපති" ලෙසින්  වෙනස් කළා.කෝකිල දේවී දැරිය මූලික අධ්‍යාපනය ලබා ඇත්තේ මොරටූව ලේඩීස් වික්ටෝරියා කන්‍යාරාමයේදී. සර්පිනාව හා ඕගන් වාදනයට දකෂතම අම්මා කෝකිලදේවි දියණියට හාපූරා කියා "සරිගම" රාගතාල අත්වැල ලබාදීමෙන් ඇය සංගීත කලාවෙන් ප්‍රමූදිත වූවා පමණක් නොව, එය ඇයගේ ජීවිතයේ විශාල විපර්යාසයකට මූල පිිරීමක්ද විය.

1925 දී ඇයගේ ජීවිතයේ සන්ධිස්ථානයක් වුයේ මාස්ටර් මැනිස් පට්ටිආරච්චි හමුවීමය. පට්ටිආරච්චි මාස්ටර් යටතේ ඉන්දීය ශාස්ත්‍රීය සංගීතය හැදෑරීම සිදු කලාය .මේ කාලය වන විට ඉන්දියානූ කර්ණාට සංගීතය ශ්‍රී ලංකාවේ සංගීත රසිකයන් හා කලා ශිල්පීන්ගේ හදවත් ආක්‍රමණය කළ යූගයක් විය. කෝකිල දේවි පසූපස කර්ණාට සංගීත හඬ හඹා ආවේ ඇයගේ දෛවය හැසිරවීමට දෙව්ලොව පන්සිළු විසින් දෙන ලද අණක් ලෙසටය. මූල් වරට ඇය වීණා තතකින් නැඟෙන මියූරු සංගීත රිද්මයක රස වින්දනය හඳුනාගත්තේ ඉන්දියානූ සංගීතඥ වීණා ෂම්මූගන්ගේ වීණාවෙනි. මේ අතර සූක්කලිංගම් නමැති ද්‍රවිඩ සංගීත ශිල්පියා ඇයගේ මියූරු කටහඬ තබ්ලාවටත්, සර්පිනාවටත්, වීණාවටත් උචිත ලෙස හැසිරවීමට මඟපෙන්වා දුන්නේය. මේ වන විට ඇය විශිෂ්ට ශ්‍රේණියේ ගුවන් විදුලි ගායිකාවක් ලෙස උසස්වීමක් ලබා සිටියාය. කෝකිල දේවී ගීත කෝකිලාව ගුවන් විදුලියට ගැයූ මූල්ම ගීතය වූයේ "මූළු ලෝකයෙ පිරුණූ කීර්තිය  සිටූ දේවිය විශාඛා..." යන නිර්මාණයයි.මෙරට ගුවන්විදුලියේ පළමු සිංහල ගායිකාව වූයේද  කෝකිල දේවී මහත්මිය යි .(මුල් සිංහල ගීතය ගුවන් විදුලියට ගැයුවේ කෝකිලදේවී රත්නසභාපති නමින්.පසුව ඇය වීරතුංග නඩුකාරතුමා හා විවාහයෙන් පසු කෝකිලදේවී වීරතුංග වූවාය) ද්‍රවිඩ භාෂාවෙන් ගීත ගායනා කළ ප්‍රථම සිංහල කාන්තාව ද ඇයයි. 1986 වසරේදී ඇය කලා මාතාව යන සම්මානයෙන් පිදුම් ලැබුවාය.

1928 දී නැටූම් ශිල්පී චිත්‍රසේනයන්ගේ පියා ෂීබටි ඩයස් මහතාගේ ප්ලොර පෝන්ස් තැටි සඳහා ද්‍රවිඩ ගීත 02 ක් සිංහල ගීත 02 ක් ඇය ගායනා කර ඇත. 1938 වසරේ සිට ඇය ග්‍රැමෆෝන් තැටි සඳහා ගීත විශාල ප්‍රමාණයක් ගයා ඇතත් ඒ කොපමණදැයි ඇය දැන නොසිටියාය. මේ අතර රූපසිංහ මාස්ටර්, රුක්මණී දේවි, ධර්මදාස වල්පොල, එච්. ආර්. ජෝතිපාල, සූජාතා අත්තනායක, සනත් නන්දසිරි, ෂෙල්ටන් පෙරේරා, වික්ටර් රත්නායක ඇතුළු ගායක ගායිකාවන් සමග ද යූග ගී ගයා ඇත. බොදු බැති ගී ගායනයට ඇය දැක්වූයේ දැඩි ආශාවකි. පණ්ඩිත් "අමරදේවයන්ගේ ගීතයක් අහගෙන දෑස් පියා" ගත්විට අනූූරාධපූර සමාධි බූදුපිළිමය තුළින් බූදුන් හැබැහින් දකින්න පූළුවන් යැයි කෝකිලදේවිය වරක් කීවාය. ඇය ගැයූ "ශ්‍රීපති ශී්‍ර හරි විෂ්ණූ දෙවින්දා.........", "විණා නාදේ" සේමා කර්ණයෝ පිනාවී...", "සරණ වේවා වාසනා සූභ...", "ජාලිය ක්‍රිෂ්ණ ජිනා...." ඇතුළු ගීත විශාල ප්‍රමාණයක් අතිශය ජනප්‍රියත්වයට පත්විය. 

වෘත්තියෙන් ගුරුවරියක වු කෝකිල දේවිය කොළඹ විශාඛා ,ශාන්ත පාවුළු ,නුගේගොඩ අනුලා,මාතර සුජාතා වැනි විදුහල් වල අමරණීය සේවයක් කරමින් ගෝලයන් රැසක් බිහි කළාය.ශතවර්ෂයකට ආසන්න කාලයක් සුවහසක් සංගිිත රසකාමින්ගේ ආදරය ලබමින් ගිි ලොව ආලෝකමත් කළ කෝකිල දේවිය 2007 ජුුලි 05 වැනිදා අවසන් සුසුම් හෙළුවාය . 

(උපුටා ගැනීමකි )

---------------------------------------------------------------------------------------

මවු පිය ආදී සොඳුරු තමාගේ

කුල දෙටුවන් සෑමා 

යෝග්‍ය වූ කාලේ නොමද ප්‍රේමෙනී 

ගෞරවයෙන් පිදුවෝ යුතු වේ

කුල දෙටුවන් සෑමා..

ආයුෂ වර්ණා සැප බල ප්‍රඥා

යන මේ අගනා ප්‍රතිඵල නේකා 

ගෙනදී සංකා නෑ මෙලොවේහී

සාදරයෙන් පිදුමා

කුල දෙටුවන් සෑමා

මවු පිය ආදී සොඳුරු තමාගේ

කුල දෙටුවන් සෑමා

ලෝකනාථගේ මංගල සූත්‍රේ

ඒ විශේෂයෙනි පා වදාලේ ..

වැඩ සෑදේවී ඉන් දෙලොවේහී 

කටයුතු සංග්‍රහයෙන් පුදව්

කුල දෙටුවන් සෑමා....

ගායනය- කෝකිලදේවී වීරතුංග /එච්.ඩබ්. රූපසිංහ

පද රචනය - වින්සන්ට් සෝමපාල

තනුව - එච්.ඩබ්. රූපසිංහ

---------------------------------------------------------------------------------------

ඔබ දුන් ඔවදන් අරුණාලෝකය

ඔබ දුන් ඔවදන් අරුණාලෝකය

මා යන ගමනේ ඉම දකිනා තුරු

පුනරාලෝකය දේවා

පුනරාලෝකය දේවා

ඔබෙන් උරා බිව් 

කිරිබිඳු සමගින්

සිතක අහිංසා

රුවන් උදාවිණ

අම්මේ එපමණි මතු පරපුරකට

දායාදය මා වෙතින් පුදාලන

ජීවන මංපෙත 

බාධක පවුරින්

එතෙර දකින්නට 

පෙරුම්පුරාගෙන

අම්මේ මම එමි පොඩි දැරියක සේ

දෑසේ ආදර සෙවණ පතාගෙන

ගී පද - ආචාර්‍ය අජන්තා රණසිංහ

සංගීතය - අචාර්‍ය දයාරත්න රණතුංග

ගායනය - කලාශූරි කෝකිලදේවි වීරතුංග | විශාරද සුජාතා අත්තනායක

---------------------------------------------------------------------------------------

කුඩා වූ ළිඳේ පිරී ජලසේ මනාසේ

යාවී ලෝ වාසි ජනාසේ

කුඩා වූ ----

සාගරයේ බෝම ජලේ තිබුණට ලුණු රස නිසා

නොහැකි බොන්නටා

ජල කඳ තිබුනට පුරවා 

නොහැකි බොන්නටා 

කුඩා වූ ළිඳේ ----

හදෙයි අනුකම්පා නැති 

ප්රභූන්ගෙන් පලක් නැතේ

විපතේදී දුගියා හටා  

දුගියාම පිහිට වේ

ගායනය - එච්.ඩබ්ලිව්.රූපසිංහ සහ කෝකිල දේවී වීරතුංග

පද මාලාව සහ සංගීත - ?

---------------------------------------------------------------------------------------

ශ්‍රී පති ශ්‍රී හරි විෂ්ණු දෙවින්ඳා සතහට සෙත දෙවනා 

ලංකාදීපේ ජිනේන්ද්‍ර සාසන කරුණාවෙන් රකිනා

මිණි මුතු මාලා ධාරිය අලංකෘත ශ්‍රී කීර්ති දෙමිනා...

උත්පල වර්ණා රූප සෝබනා කරුණා ගුණ පානා

ලෝකධිපති වන ජනානන්ද ඔබ ලෝසත හට දේවා

සෙත ශ්‍රී නිතිනා...

දැරි තරු රාවණ තිලෝ පූජිතා ශ්‍රී විෂ්ණු දෙවිඳා

කපුරු සුවඳ මුදු නිල් මල් මාලා ................පූජා

ශ්‍රී පති ශ්‍රී හරි....

ලංකාදීපේ ජිනේන්ද්‍ර 

මිණිමුතු මාලා.......

ශ්‍රී පති ශ්‍රී හරි......//

ගායනය : කෝකිලදේවී වීරතුංග සමග එච්.ඩබ්ලිව්.රූපසිංහ

පද මාලාව සහ සංගීත - ?

---------------------------------------------------------------------------------------

ඇන්දේ ඡායා සඳ මඬලේහී

ඇන්දේ ඡායා සඳ මඬලේහී

සුරිදා පෙර සා වාගේ 

රූපේ ..නිලබර සුදිලේ නී......

ඇන්දේ ඡායා මඬලේහී

ඇන්දේ ඡායා මඬලේහී....

සද් බමුණා වෙත පාලා ප්‍රේමේ

ආ............

පතමින සම්බුදු භාවේ...

ශ්‍රී මහ බෝසත් පාරමිතා බලධාරී...

ඇන්දේ ඡායා සඳ මඬලේහී

ඇන්දේ ඡායා සඳ මඬලේහී

සුරිදා පෙර සා වාගේ 

රූපේ ..නිලබර සුදිලේ නී......

ඇන්දේ ඡායා මඬලේහී

ඇන්දේ ඡායා මඬලේහී....

සද් බමුණා වෙත පාලා ප්‍රේමේ

ආ............

පතමින සම්බුදු භාවේ...

ශ්‍රී මහ බෝසත් පාරමිතා බලධාරී...

සාදුක සින්දාලන අභිලාසෙන්

සාදුක.සින්දාලන අභිලාසෙන්

ගිනි මැඩ පැන්න සඳේහී...

සීල බලෙන් ගිණි සීතල වූවේ

ගෞතම ශාක්‍ය රජානෝ

ගායනය - කෝකිල දේවි වීරතුංග 

පද රචනය - ජෝර්ජ් වීරතුංග 

සංගීතය - කෝකිල දේවි වීරතුංග

---------------------------------------------------------------------------------------

වීණා නාදේ සේමා කර්ණයෝ පිනාවේ
වීණා නාදේ සේමා කර්ණයෝ පිනාවේ
තුන් ලොවිනේ මල් උයනේ
භෘංග නාද දේවී
වීණා නාදේ සේමා කර්ණයෝ පිනාවේ

ගයනා සුමිහිරි ගීත වැනි රාවෙණි උදයේ
සිරිදී  කරාවි ප්‍රීති ..
වීණා නාදේ සේමා කර්ණයෝ පිනාවේ

නා නා වර්ණැති සුවද විහිදෙනා
නා සපු මාලති පිපි දිලේ...
ශ්‍රී පානා දන මන පිනවා නිති
ශ්‍රී පානා....
ශ්‍රී පානා දන මන පිනවා නිති
රම්‍යා සෝබන මේ මල් උයනේ ..
වීණා නාදේ සේමා කර්ණයෝ පිනාවේ
තුන් ලොවිනේ මල් උයනේ
භෘංග නාද දේවී
වීණා නාදේ සේමා කර්ණයෝ පිනාවේ

ගායනය : කෝකිලදේවී වීරතුංග
පද මාලාව සහ සංගීත - ?

---------------------------------------------------------------------------------------

---------------------------------------------------------------------------------------

ප.ලි 

වැරදි අඩුපාඩු පෙන්වා දෙන්න .විස්තර අන්තර්ජාලයෙන් සහ පුවත් පත් වලින් .